اسلام آباد ہائیکورٹ میں سینیٹرشبلی فراز کے خلاف کیسز کی تفصیلات کی فراہمی کا کیس۔۔۔پی ٹی آئی رہنما سینیٹر شبلی فراز کے خلاف مزید کوئی مقدمہ درج نہیں۔۔۔ اسلام آباد ہائی کورٹ نے پولیس رپورٹ پیش ہونے کے بعد کیسوں کی تفصیلات فراہمی کا کیس نمٹا دیا۔
سینیٹر شبلی فراز کے خلاف درج کیسوں کی تفصیلات فراہمی کے کیس کی سماعت اسلام آباد ہائیکورٹ کے جسٹس طارق محمود جہانگیری نے کی ۔ اسلام آباد پولیس کے ڈی ایس پی لیگل ساجد چیمہ نے رپورٹ عدالت میں پیش کردی جس کے مطابق شبلی فراز کے خلاف مزید کوئی مقدمہ درج نہیں ہوا ۔ رپورٹ میں بتایا گیا کہ شبلی فراز کے خلاف پہلے سے چھ مقدمات درج ہیں جس پر وکیل مرزا آصف ایڈوکیٹ نے عدالت کو بتایا کہ ان چھ مقدمات میں شبلی فراز ضمانت پر ہیں ۔ عدالت نے پولیس رپورٹ پیش ہونے پر کیسوں کی تفصیلات فراہمی کا کیس نمٹا دیا