چیچہ وطنی میں تحریک منہاج القرآن کے زیر اہتمام ماہانہ درس عرفان الحدیث کی تقریب کا انعقاد۔۔ تقریب کی صدارت پیر سید اطہر حسین شاہ چشتی نظامی نے کی
پیر سید اطہر حسین شاہ چشتی نظامی نے خطاب کرتے ہوئے کہا کہ۔۔۔۔ اللہ کے ولی کی پہچان یہ ہے کہ وہ نماز کی پابندی کرتا ہے اور جو بندہ خدا قرب الہیٰ کے حصول کے لیے تسلسل کے ساتھ نفلی عبادت کرتا ہے تو اللہ تعالیٰ ایسے بندے سے محبت کرنے لگ جاتا ہے کیونکہ اولیاءکرام نے اسلام کے پیغام کو دنیا کے کونے کونے تک پہنچایا اور اپنے کردار سے اسلام کی روشنی پھیلائی، حضرت غوث الاعظم کی شخصیت زہدو تقویٰ اور پرہیز گاری کا عظیم نمونہ تھی حضرت شیخ عبد القادر جیلانی غوث الاعظم رحمة اللہ علیہ اولیاءکرام کے سردار ہیں ، پوری دنیا میں قادری سلسلے سے منسلک اربوں مسلمان غوث الاعظم رحمة اللہ علیہ کے مرید اور عقیدت مند ہیں آپ نے چالیس سال عشاء کے وضو سے فجر کی نماز ادا کی ۔